Mae’r Banc Bwyd ar agor i gleientiaid pob Dydd Mawrth a Dydd Gwener o 2pm i 3pm.
Mae Banc Bwyd Pwllheli wedi bod yn rhedeg fel Banc Bwyd annibynnol ers 2013. Erbyn hyn rydym ni’n dosbarthu tua 600 o barseli bwyd y flwyddyn. I ddechrau, roedden ni’n credu mai prosiect dros dro fyddai hwn i lenwi angen tymor byr pobl oedd mewn trafferthion yn sgil yr argyfwng ariannol oedd wedi gafael yn ein gwlad.
Ers hynny nid yw’r problemau sy’n wynebu’n cymdeithas wedi gwella ac mae pobl yn dal i ganfod nad yw eu hadnoddau prin yn ddigon i gael dau ben llinyn ynghyd. Mae teuluoedd yn yr ardal hon yn cael eu heffeithio’n arbennig gan ddiffyg gwaith a chyflogau isel. Efallai mai dim ond swyddi tymhorol sydd ar gael nad ydyn nhw’n talu digon i gadw teulu am flwyddyn gyfan.
Erbyn hyn, gyda mwy o angen yn ein cymunedau, rydyn ni’n brysurach nag erioed ac mae Banciau Bwyd ar draws y wlad erbyn hyn yn nodwedd barhaol o’n cymdeithas.
Pob dydd mae pobl yn llwgu am wahanol resymau o ddiswyddiad parhaol i ddiwedd gwaith tymhorol neu fil uchel annisgwyl tra’n byw ar incwm isel. Mae parsel bwyd syml yn gwneud gwahaniaeth mawr. Gyda rhodd o fwyd, rydym yn dangos nad oes neb yn cael ei anghofio ac yn rhoi gobaith i bobl am well yfory.
Cyn bod pobl yn dod i’r Banc Bwyd i dderbyn eu parsel bwyd, rhaid iddynt gael atgyfeiriad gan un o’n hasiantaethau cyfeirio. Gweithwyr gofal proffesiynol yw rhain fel meddygon, ymwelwyr iechyd, staff ysgolion a gweithwyr cymdeithasol, ac elusennau rheng flaen sy’n gweithio gyda’r rhai mewn tlodi ym mhob demograffeg o gymdeithas. Mae nhw’n canfod y bobl mewn argyfwng ac yn rhoi ffurflen atgyfeirio Banc Bwyd iddynt. Mae hyn yn rhoi hawl i’r unigolyn, cwpl neu deulu dderbyn parsel sy’n cynnwys digon o fwyd am 3 diwrnod sydd wedi’i gydbwyso o ran maeth, gan gynnwys bwyd heb hir oes iddo pan fydd ar gael. Gall yr asiantaethau cyfeirio roi’r ffurflen atgyfeirio i’r cleient neu gallant gysylltu â’r Banc Bwyd dros y ffôn, neges destun, Messenger neu e-bost gyda manylion y cleient.
Er bod rhai Banciau Bwyd yn cyfyngu eu cwsmeriaid i 3 atgyfeiriad, dydyn ni ym Mhwllheli ddim yn gwneud hynny. Ar ôl 3 ymweliad, rydym yn gwirio i weld a yw pobl yn dal i fod mewn argyfwng ac ydi’r broblem sylfaenol o dlodi yn cael eu datrys. Gallwn gynghori pobl i geisio’r cymorth sydd ar gael i fynd i’r afael â gwraidd eu tlodi. Mae gwybodaeth ym mhob pecyn am asiantaethau atgyfeirio a chyngor am asiantaethau a allai eu helpu gyda dyled neu broblemau iechyd meddwl. Rydym yn darparu cymorth brys ac nid ydym am i bobl ddod yn ddibynnol ar gymorth bwyd brys, ond ni fyddwn yn gadael pobl i lwgu os gallwn ei atal. Os ydych chi’n meddwl y gallai fod angen atgyfeiriad arnoch i’r banc bwyd ac yn ansicr ble i gael un, cysylltwch â ni a gallwn eich cyfeirio at yr asiantaeth atgyfeirio berthnasol ar gyfer eich anghenion.
Daw ein rhoddion bwyd o wahanol ffynonellau, gan unigolion yn ogystal ag ysgolion lleol, cwmnïau, elusennau, eglwysi a chapeli. Mae troli yn ASDA a blychau casglu yn Lidl ac Aldi ym Mhwllheli. Mae gennym hefyd flychau casglu yn Eglwys San Pedr Pwllheli, Eglwys Sant Pedrog Llanbedrog, Eglwys Sant Hywyn Aberdaron. Mae troli’r archfarchnad a’r blychau casglu yn cael eu gwagio’n rheolaidd gan wirfoddolwyr y Banc Bwyd a’u cludo i Eglwys San Pedr i’w dyddio a’u storio’n barod i’w dosbarthu. Fel rheol gyffredinol, mae unrhyw eitemau sydd a hir oes yn dda i’w rhoi, ond mae yna amryw o eitemau sydd eu hangen bob amser:
Yn ogystal â bwyd, rydym yn dosbarthu eitemau cartref sylfaenol fel papur toiled, hylif golchi llestri ac eitemau hylendid sylfaenol fel siampŵ, gel cawod a deodorant.
Ar achlysuron arbennig fel y Nadolig a’r Pasg, rydym yn rhoi ychydig bach yn ychwanegol fel bod pobl nid yn unig yn goroesi ond yn mwynhau ac yn dathlu’r achlysuron hyn. I’r gwirfoddolwyr sy’n rhedeg y Banc Bwyd, mae’n brofiad hynod o ostynedig gweld y llawenydd yn wynebau rhieni sy’n sylweddoli y gallant ddathlu’r Nadolig gyda’u plant.
Roedden ni’n arfer cynnal amryw o ddigwyddiadau codi arian a boreau coffi i godi arian fel y gallem brynu eitemau heb hir oes (fel bara a menyn) ac unrhyw gyflenwadau eraill yr oeddem yn brin ohonynt. Ond bu’n rhaid i’r rhain ddod i ben oherwydd Pandemig Covid.
Ym Manc Bwyd Pwllheli rydym yn cynnig mwy na chymorth bwyd argyfwng yn unig. Rydym yn cynnig amgylchedd diogel a gofalgar lle gall pobl, sy’n aml yn fregus ac yn agored i niwed yn gallu dod a theimlo eu bod yn cael eu cefnogi.
Rydym yn cynnig gobaith i’n cleientiaid ac yn dangos iddynt nad ydynt wedi cael eu hanghofio, a bod pawb, waeth beth yw eu hamgylchiadau, yn cael eu gwerthfawrogi a’u caru. Mae rhywun bob amser ar gael i wrando heb farn a lle bo’n briodol cynnig cyngor a chynnig arweiniad ar gyfer cymorth pellach.
Gallwch gefnogi ein gwaith mewn sawl ffordd:
• Rhoi eitemau bwyd, naill ai’n uniongyrchol atom ni yn ystod oriau agor y banc bwyd neu drwy un o’r mannau casglu.
• Drwy wirfoddoli, galwch heibio i’n gweld a gweld sut allwch chi helpu. Rydym bob amser yn chwilio am bobl i helpu gyda chynnal sesiynau, didoli rhoddion, siopa a chasglu rhoddion o’r mannau casglu.
• Yn ariannol, boed yn rhodd untro neu’n daliad sefydlog bob mis, rydym bob amser yn ddiolchgar am unrhyw swm sy’n ein galluogi i barhau i gefnogi’r rhai sydd mewn angen. Ein manylion Banc yw Cod Didoli 309043; Rhif cyfrif 47736068 neu cysylltwch â ni am ffurflen debyd uniongyrchol.
• Gallwch wneud rhodd trwy ein tudalen rhoddi.
• Rydym bob amser yn hapus i dderbyn ymwelwyr yn ein sesiynau Banc Bwyd yn Eglwys Sant Pedr, Stryd y Gogledd, Pwllheli, LL53 5DS rhwng 12-2pm ar ddydd Mawrth a dydd Gwener.
• Trwy ein tudalen Facebook lle gallwch hefyd gael y wybodaeth ddiweddaraf am yr hyn sy’n digwydd.
• Drwy gysyltu â Dave Hill ar 07359 356383 Ebost: pwllhelifoodbank@gmail.com
